གནས་གསར་གྲོང་གསེབ་ཡུལ་སྐོར་ལྗོངས་ཁུལ་ནི་སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་ལན་ཧོ་གྲོང་ཨུའི་གནས་གསར་གྲོང་མི་ཚོ་ཆུང་དུ་ཡོད་པ་དང་།སེམས་ཀྱི་ཉི་ཟླ་གྲོང་ཁྱེར་བར་ལ་སྤྱི་ལེ་16གི་ལམ་ཐག་ཡོད།གནས་འདིའི་རང་བྱུང་མཛེས་ལྗོངས་དང་སྐྱེ་ཁམས་ཁོར་ཡུག་ཧ་ཅང་ལེགས་པས།ཁྱེད་རང་གནས་འདིར་ཐེངས་གཅིག་སོང་ན་ཡིད་ཀྱི་དུངས་པ་རྣམ་པར་འདྲེན་ཐུབ་ཁོ་ཐག་ཡིན།

    ལྗོངས་ཁུལ་དུ་ཡུལ་སྐོར་བའི་ལྟེ་གནས་དང་བོད་དུད་སྣེ་ལེན་བྱེད་ས་35   སྤྱི་ལེ་གཉིས་ཀྱི་ཆུ་རྒྱུད་ལྗོངས་ཁུལ།མཐོ་སྒང་གི་ཞིང་འབྲོག་རིག་གནས་མྱོང་ཚོར་བྱེད་ས་སོགས་ཀྱི་ཡུལ་སྐོར་རྣམ་གྲངས་ཡོད་པ་དང་།ཡུལ་སྐོར་བ་རྣམས་ཀྱིས་རང་བྱུང་གི་ཡུལ་ལྗོངས་རོལ་པའི་དུས་མཚུངས་སུ་བོད་ཀྱི་འཛུགས་སྐྲུན་དང་གོས་རྒྱན།   བཟའ་བཏུང་།   གླུ་གར། ཞིང་འབྲོག་སོགས་ཀྱི་སྲོལ་རྒྱུན་རིག་གནས་ཀྱང་མྱོང་ཐུབ་པ་རེད། 

    ལྗོངས་ཁུལ་དུ་ད་དུང་སྐོར་སྐྱོད་གསང་སྤྱོད་ཁང་བཀོད་སྒྲིག་བྱས་ཡོད་དེ།ཡུལ་སྐོར་བ་ལ་སྟབས་བདེ་སྐྲུན་པའི་དུས་མཉམ་དུ་ལྗོངས་ཁུལ་གྱི་ཁོར་ཡུག་སྲུང་སྐྱོང་བྱེད་ཡོད་པ་རེད།

    ལྗོངས་ཁུལ་གྱིས་སྲིད་གཞུང་+ཀུང་སི་+དུད་ཚང་ཞེས་པའི་མ་དཔེ་ཡིས་གྲོང་མི་ཚོ་ཆུང་གི་མང་ཚོགས་60ལྷག་ལས་ཀ་ལ་ཞུགས་སུ་བཅུག་པ་དང་།   དུས་ཡུན་ལོ་གཅིག་ལྷག་ལ་བདག་གཉེར་བྱས་ནས་ལྗོངས་ཁུལ་གྱིས་ཡུལ་སྐོར་བ་མི་ཐེངས་ཁྲི་5ལྷག་སྣེ་ལེན་བྱས་ཡོད་པ་དང་ཡུལ་སྐོར་ཡོང་འབབ་སྒོར་ཁྲི་400ལྷག་ཟིན་ཡོད་པ་རེད།

    རྒྱུས་ལོན་བྱུང་བ་ལྟར་ན། 2017ལོའི་ཟླ་4པར། སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་གྱི་གྲོང་གསེབ་ཡུལ་སྐོར་ཐོན་ཁུངས་གསར་སྤེལ་ཡག་པོ་བྱེད་པའི་ཆེད་དུ།ཡང་ཐང་གྲོང་རྡལ་སྲིད་གཞུང་གིས་གྲོས་མོལ་དང་ཞིབ་འཇུག་བརྒྱུད་ནས་ཚོང་འདྲེན་མ་འགུག་གི་ཚུལ་གྱིས་ལན་ཧོ་གྲོང་གི་གནས་གསར་གྲོང་མི་ཚོ་ཆུང་དེ་གྲོང་གསེབ་ཡུལ་སྐོར་དར་འཕེལ་གྱི་ཚོད་ལྟ་ས་ཁུལ་དུ་བྱ་རྒྱུའི་གཏན་འབེབས་བྱས་པ་རེད།ལོ་དེའི་ཟླ6པའི་ཚེས་20ཉིན་དུ་ཨ་ཅག་ལགས་ཡུལ་སྐོར་ཐོན་ཁུངས་གསར་སྤེལ་འགན་འཁྲི་ཚད་ཡོད་ཀུང་སིས་གནས་གསར་གྲོང་མི་ཚོ་ཆུང་དང་གྲོས་མཐུན་བྱུང་ནས་གནས་གསར་གྲོང་གསེབ་ཡུལ་སྐོར་གསར་སྤེལ་ཚད་ཡོད་ཀུང་སི་བཙུགས་ཏེ།ཀུང་སིའི་མ་རྐང་60%ཨ་ཅག་ལགས་ཡུལ་སྐོར་ཐོན་ཁུངས་གསར་སྤེལ་འགན་འཁྲི་ཚད་ཡོད་ཀུང་སིས་བདག་དབང་བྱས་ཡོད་པ་དང་།40%གནས་གསར་གྲོང་མི་ཚོ་ཆུང་གིས་བདག་དབང་བྱས་ཡོད་པ་རེད།