完美男人

香港娛樂圈近幾十年來塑造了兩位完美男人,要樣有樣、要型有型、要成就有成就,都是民間特首熱門。一個叫“牛華”,一個叫發哥。上期講了“牛華”撑填海,惹來一場爭議,扣咗分。發哥則越來越風騷,一套《無雙》上畫,接受了不少傳媒訪問,迅速又成大中華熱話,點解呢個男人的分數,永遠只加不減?不要忘記,發哥也曾為政治發過聲。

發哥紅足四十年之謎,豈是靚仔、有型咁簡單?其實係內涵,潮一點說即生活態度。近年網上一直流傳,說發哥會捐盡一生積蓄16億做慈善。一直以為內容農場出品,不知是真是假。當然,從無懷疑過發哥的親民、貼地,他捐錢做善事好正常,只是真正數目不得而知。這段新聞近日又被炒熱,應該係真的。

潮流興斷捨離,發哥一直貫徹始終,生活儉樸、簡單。據說,發哥用Nokia第一代模擬手機17年,兩年前壞了,才“升呢”用老婆的二手智能手機。還有發哥不揸車的,他在訪問中說過,在尖沙嘴坐地鐵,五分鐘即到金鐘,但很多人講身分,要塞兩個鐘頭。

牛華與發哥有共通點,都克己自律。或者,我等凡夫俗子好難學,牛華食得清淡如水,發哥一個月用八百元,你得唔得?

強 生 hengut@gmail.com